Fyri 230 milliónir krónur minni fyri olju

Oljan er vorðin bíligari hetta seinasta árið. 

Tað sæst í innflutningstølunum hjá Hagstovuni.

Frá mars 2023 til februar 2024 vóru brennievni og aðrar oljur innflutt fyri eina milliard og 765,6 milliónir krónur.

Frá mars í fjør til februar í ár var innflutningurin 231,2 milliónir minni.

Minkingin er 13,1 prosent.

Men tól, sum brúka brennievni, eru eisini minkað nógv í innflutningstølunum.

Frá mars 2023 til februar í 2024 vóru innflutt maskinur, motorar, skip og akfør fyri góðar tríggjar milliardir krónur.

Frá mars í fjør til mars í ár er tann innflutningurin slaka hálva milliard krónur, 16,1 prosent, minni.

Oljan verður nú innflutt úr Noregi og ikki úr Niðurlondum sum fyrr.