Suðuroyartunnilin: Løgmaður kennir seg vísan í, at málið verður samtykt

Tað verður ikki fyrr enn um ein slakan mánað, at løgtingið avgreiðir málið um Suðuroyartunnilin. 

Nógv stór mál vóru á skránni á tingfundinum í gjár, og tað eydnaðist ikki løgtinginum at viðgera tey øll. 

Trý uppskot vóru eftir at viðgera, tá Bjørt Samuelsen, løgtingsforkvinna, gjørdi av at enda fundin um tíggju tíðina í gjárkvøldið. 

Eitt teirra var málið um Suðuroyartunnilin. 

Aksel V. Johannesen, løgmaður, sum eigur lógaruppskotið um Suðuroyartunnilin, er rættiliga vísur í, at tað verður samtykt.

Men hann er eisini opin fyri at kanna nærri, um tað ber til at bora úr Skúvoy, um løgtingið vil tað:

2. viðgerð og atkvøðugreiðsla í teimum trimum málunum, sum lógu eftir frá í gjár, verða í dag. 

Umframt Suðuroyartunnilin er tað uppskotið um at brúka pengar í Íløgugrunninum til tunnilin og til Vága Floghavn.

Uppskotið hjá Fólkaflokkinum um at leingja gildistíðina fyri veiðiloyvi í bólki 5 trý ár, frá 2034 til 2037, er eisini á skránni.

Í bólki 5 eru útróðrarbátar undir 15 tons, sum fiska við húki.

Tingfundurin í dag er klokkan tíggju.