Fleiri deildir í H-bygninginum verða klárar í juni

Landsverk hevur gjørt nýggja tíðarætlan fyri nýggja bygningin á landssjúkrahúsinum. Tá skal alt vera klárt at flyta inn í, uttan psykiatriski depilin.

Loksins røkist fyri at tað mesta av H-bygninginum verður tikið í nýtslu.

Sveinur Tróndarson

08.05.2025 - 19:40

Tað hevur gingið ógvuliga seint fyri seg at fáa allan tann nýggja H-bygningin á Landssjúkrahúsinum lidnan.

Nógvir trupulleikar hava verið av nýggja bygninginum, sum ikki bara er seinkaður, hann er eisini nógv dýrkaður. Nú er tað tó mest seinkingin, sum voldir høvuðbrýggj, tí nýggi bygningurin, sum eftir ætlan skuldi vera liðugur á vári 2021, er ikki liðugur enn. Í løtuni er virksemi í umleið helvtini av bygninginum.

Fyrstu sjúklingarnir fluttu inn í bygningin í 2023, men sambært nýggju tíðarætlanini hjá Landsverki, sum Súsanna Bertholdsen, landsstýriskavinna, fekk frá Landsverki í gjár, skal H-bygningurin vera liðugur og klárur at flyta inn í 9. juni. Sambært Sigurði Ólasyni Vang, deildarleiðara á verkætlanardeildini hjá Landsverki, skulu nakrar tillagingar gerast, so allur bygningurin kann takast í brúk og ikki bara gott helvtin sum nú.

Tó er ikki greitt júst nær psykiatriski depilin kann flyta inn. Har skulu gerast onkrar tillagingar, sigur Sigurð Ólason Vang.

Trýst á leinkið niðanfyri fyri at hoyra alt innslagið, sum var í tíðindunum klokkan 18.00:

1742474