Vanligir borgarar trýstu landbúnaðarpolitikkin móti størri sjálvbjargni

Tá løgtingið herfyri samtykti ein nýggja landbúnaðarpolitikk, so sást fingramerkið hjá vanligum borgarum týðuliga aftur í politikkinum. 

Tað heldur Elisabeth Skarðhamar Olsen, samfelagsfrøðingur og ph.d.lesandi.

"Vanlig fólk hava skapt ein røslu móti størri sjálvbjargni, tá tað kemur til landbúnað og matvøruframleiðslu, og tað sæst aftur í nýggja landbúnaðarpolitikkinum. Sivilsamfelagið gjørdi sína ávirkan galdandi."

matvørur, frukt og grønmeti

Mynd: Bjarni Árting Rubeksen

Mugu gerast meira sjálvbjargin

Andrass Holm Arge, deildarleiðari á Búnaðarstovuni, heldur, at málið má vera sjálvbjargni. 

"Neyðugt er við fleiri átøkum - bæði frá kommunum og landinum -, so føroyska samfelagið kann gerast meira sjálvbjargi - eisini tá tað snýr seg um framleiðslu av grønmeti," sigur hann. 

Sirið Stenberg, landsstýriskvinna í vinnumálum, er samd. 

"Stuðul er settur inn í nýggja landbúnaðarpolitikkin, sum er samtyktur, soleiðis at føroyskt framleitt grønmeti kann kappast við útlendskar vørur." 

Agurk veltan spískamarið grønmeti

Mynd: Úr sendingini Spískamarið

Landbúnaður og sjálvbjargni í Breddanum

Vit hoyrdu brot úr Breddanum, sum bleiv sendur fyrrapartin. 

Breddin kann hoyrast á heimasíðu okkara, kvf.fo.

Breddin-sendingamynd

Hvat: Breddin
Hvar: Í útvarpinum og á KVF Ljóð
Nær: Týs-, hós- og fríggjadag kl. 10, og tá tað passar tær á KVF Ljóð