EM-lutakastið hjá hondbóltsmonnunum í kvøld

Í kvøld verður greitt, hvørjum føroysku hondbóltsmenninir skulu spæla ímóti í bólkaspælinum í EM í januar. Lutakastið verður í Herning klokkan 18, og Kringvarpið sendir tað beinleiðis í sjónvarpinum.

Føroyar eru styrkismettar í næstovasta bólkinum saman við stórtjóðum sum Spania, Kroatia, Íslandi og Portugal. Manslandsliðið kann tískil ikki draga lond, sum eru í bólki tvey í kvøld.

Harumframt kunnu Føroyar, sum verða í bólki 2, sum skal spæla í Olso, ikki koma í sama bólk sum Danmark, Týsklandi og Svøríki úr bólki 1. Tað merkir, at tað verður antin Frakland, Ungarn ella Slovenia úr ovasta styrkisbólkinum.

Stórur spenningur er sjálvandi um, hvør kemur úr bólki 3 og 4. Í triðja bólki hava Føroyar spælt ímóti øllum liðunum. Tey bæði, sum ikki er eydnast at vinna á ella spæla javnt ímóti, eru Eysturríki og Pólland. Í bólki fýra hava Føroyar vunni á Rumenia, Ukraina og Italia í 2020'unum.

Enda Føroyar nummar eitt ella tvey í Oslo, fer landsliðið víðari til miðumfarið, sum verður spælt í Malmø í Svøríki.

250512_3-2_ehf_styrkisbolkar_fullskerm.png