Aftur falskt neyðarkall

Í gjáranáttina var aftur eitt falskt neyðarkall.

Tað var eitt DSC frá føroyskum fiskiskipi, sum segði seg vera í neyð í Miðjarahavinum. 

Tað vísti seg tó at vera eitt falskt neyðarkall, staðfesti MRCC eftir at hava tosað við skipið, sum fiskaði vestan fyri Føroyar.

Í síðstu viku vóru følsk mayday boð á VHF rás 16. 

Men eftir stutta tíð var staðfest, at eingin vandi var á ferð. Onkur hevði rópt mayday í spølni.

Slíkt spæl við neyðarkalli kann fáa álvarsligar avleiðingar og tekur neyðtænastur burtur frá veruligum uppgávum, sigur MRCC.