Bara triðja hvørt sjófólk í handilsflotanum er føroyingur

Handilsflotin skapar nógv arbeiðspláss, sigur Reiðarafelagið fyri handilsskip í ársfrágreiðing sínari.

1. januar í ár eru sjófólkini 1.280, og á landi arbeiddu 266 fólk í vinnugreinini.

Bara triðja hvørt sjófólk er føroyingur.

Og talið er minkað. Tað var 13 prosent størri í fjør.

Útlendsku sjófólkini eru næstan líka nógv í ár, sum tey vóru í fjør.  

Samanumtikið eru sjófólkini fimm prosent færri í ár. Og tað,  hóast bruttotonsatalið er vaksið.

Reiðarafelagið fyri handilsskip

Nevndin í Reiðarafelagnum fyri farmaskip.

Færri farmaskip

Nú eru færri farmaskip og fleiri bulkskip og tangaskip. 

Avbjóðingin er framvegis at fáa skikkaða manning til skipini, sigur Reiðarafelagið fyri handilsskip.

Ógjørligt er at manna øll skipini bara við føroyingum. 

Tí er alneyðugt fyri vinnuna at hava góðar skipanir fyri at fáa útlendsk sjófólk, sigur felagið.

23 reiðarí eru limir í Reiðarafelagnum fyri handilsskip.