Vilja hava fund við landsstýriskvinnuna um heilsudepilin

Kommunurnar í syðru helvt í Suðuroynni hava givið landstýriskvinnuni í heilsumálum fundarboð um heilsudepilin í Vági.

Hovs kommuna, Porkeris kommuna, Vágs kommuna og Sumbiar kommuna eiga og reka heilsumiðstøðina í Vági.

Heilsumiðstøðin, sum nú verður heilsudepil, verður verandi í Vági.

Ætlanin er at útbyggja og umbyggja heilsumiðstøðina fyri at gera arbeiðsumstøðurnar hjá kommunulæknum og øðrum starvsfólki betri, skrivar Vágs kommuna í tíðindaskrivi.