Stórt álop á Kiev

- Í staðin fyri vápnahvíld, so hevur tað verið enn ein nátt við stórum álopum við dronum, krússararakettum og ballistiskum rakettum, skrivar ukrainski forsetin, Volodymyr Zelenskyj á X um náttarálopið á millum annað Kiev.

Sambært forsetanum var álopið í nátt eitt tað størsta á ukrainska høvuðsstaðin, men Odessa, Dnipro-landsluturin og Tjernihiv vórðu eisini rakt.

Tilsamans hevur Russland sent 315 dronur og sjey rakettir, harav tvær norðurkoreanskar ballistiskar rakettir, skrivar Zelenskyj.

- Tað er avgerandi, at reaktiónin upp á hetta og onnur líknandi russisk álop ikki verður møtt við tøgn frá alheiminum, men ístaðin við ítøkiligum handlingum, skrivar Volodymyr Zelenskyj.

Higartil eru tvey fólk staðfest deyð, meðan 13 fólk hava fingið skaða í álopinum, skrivar AP.

Russland hevur enn ikki viðmerkt álopið.

20250610-092133-5-2048x1536ma.jpg

Eisini í Odessa merktu tey til russisku álopini í nátt. Her er eldur komin í ein íbúðarbygning. Mynd: Scanpix/Ritzau

20250610-092133-7-1317x880ma.jpg

Ein sálarfrøðingur hjá ukrainsku neyðtænastuni tosar við ein íbúgva á staðnum, har íbúðarbygningurin hjá henni varð raktur av einum russiskum dronuálopi í Odessa. Mynd: Scanpix/Ritzau