Dømdur fyri at hava og breiða út pornografiskt tilfar

Ein 37 ára gamal maður fekk í Føroya rætti í gjár átta mánaða treytaleysa fongsulsrevsing fyri 11 brot á revsilógina um pornografiskt tilfar um fólk, sum eru yngri enn 18 ár, og um blúnisbrot.

Ákæruvaldið kravdi millum níggju og tíggju mánaðir.

Sambært ákæruritinum er talan um myndir og sjónbond í øllum trimum katagorium, meira var í kategori 2 og 3 enn í 1, sum er tann linasti.

Maðurin var ikki ákærdur fyri at gera pornografiskt tilfar, men fyri at hava tað og senda øðrum tað.

Í ákæruritinum eru nevnd 34 lógarbrot. Øll skulu vera framd í fjør summar.

Hann er dømdur fyri øll 34.

Blúnisbrot 

Føroysk børn og ung eru ikki eyðmerkt í pornografiska tilfarinum, sum er nevnt í ákæruritinum, uttan í brotunum um blúnisbrot. Har eru genturnar føroyskar. 

Maðurin er dømdur eftir grein 236 í revsilógini, sum er um barnaporno, og eftir grein 232, sum er um blúnisbrot.

Telefonir og teldur hjá manninum eru konfiskerarar.

Maðurin noktaði seg sekan. 

Hann bað um stundir at umhugsa, um hann skal fara í Landsrættin við dóminum.