Undirtøkan fyri HPV koppsetingum til børn og ung í Føroyum er ov lítil

HPV-koppsetingin verjir ímóti krabbameini, og har eru ov fá ið lata seg koppseta, vísir nýggj uppgerð hjá Heilsustýrinum.

HPV-koppsetingin hevur verið ókeypis tilboð til gentir í Føroyum í 16 ár, og hevur tilboðið síðani í 2019 eisini verið galdandi fyri dreingir.

Minkandi undirtøkan hevur stórar avleiðingar fyri arbeiðið frameftir at útrudda lívmóðurhálskrabba, sigur Katrin Eivindardóttir Danielsen, fulltrúi í Heilsustýrinum:

- Lívmóðurhálskrabbi kann verða útruddaður í Danmark um 10-15 ár, men tað er ikki galdandi í Føroyum, tí ov fá verða koppsett.

Hon leggur afturat, at tað eru foreldrini sum hava ábyrgdina av at børnini verða koppsett, og Heilsustýrið arbeiðir uppá eina áminningarskipan, fyri at bøta um undirtøkuna.

Hoyr samrøðu við Katrina Eivindardóttir Danielsen, fulltrúi í Heilsustýrinum: