Nýtt uppskot um pensjónsaldur kemur í heyst

Ætlanin hjá landsstýrinum um at hækka pensjónsaldurin er ikki slept.

Uppskotið kemur aftur í tingið í heyst.

Broytingarnar koma gildi í 2035. Tá vera tær stigvísar og við undantøkum. 

Eisini kemur uppskot um tíðartreytaða pensjón.

Tey, sum frá heilt ungum árum hava arbeitt, skulu frá 2035 fáa møguleika at fara av arbeiðsmarknaðinum við fólkapensjón, áðrenn tey røkka ásetta fólkapensjónsaldrinum. 

Løgmaður sigur, at samskifti er við fakfeløg um, hvussu skipanirnar kunnu vera.

Skulu sleppa undan eftirrokningum 

Og fyri at sleppa undan trupulleikanum við stórum eftirrokningum til fólkapensjónistar kemur nú ein skipan, har fólkapensjónin hvønn mánað verður ásett við støði í inntøkuni hjá fólkapensjonistinum seinastu 12 mánaðirnar.

Á henda hátt verður fólkapensjónin javnað, so hvørt sum inntøkuviðurskiftini hjá fólkapensjónistinum broytast. 

Eisini tað uppskotið kemur í heyst.

Og tá kemur haraftrat uppskot um, at eftirlønarviðbót verður latin fólkapensjónistum, sum flyta frá fyritíðarpensjón til fólkapensjón, aftrat fólkapensjónini.