Putin fær politiskt órin í Sveis

Sveis hevur boðið russiska forsetanum, Vladimir Putin, politiskt órin - immunitet - um hann kemur til Sveis at hitta ukrainska forsetan, Volodymyr Zelenskyj.

Tað skrivar franski miðilin, Le Monde.

Tað var franski forsetin, Emmanuel Macron, sum skeyt upp, at forsetarnir hittast í Sveis. 

Orsøkin til, at Putin má hava órin - immunitet -  er, at síðani 2023 hevur altjóða revsidómstólurin givið boð um at handtaka russiska forsetan fyri krígsbrotsverk í Ukraina.

Sveis er ein partur av altjóða revsidómstólinum, men kann bjóða russiska forsetanum órin, um hann kemur til friðarsamráðingar.

Zelenskyj, Trump og Putin

(Mynd: AFP/Ritzau Scanpix)

Leggur fundin til rættis

Amerikanski forsetin, Donald, Trump er longu farin at leggja tríliðaða fundin millum Ukraina, USA og Russland til rættis.

Trump hevði telefonsamrøðu við Putin beint eftir fundin í Hvítu húsunum í gjárkvøldið. Fundurin var millum Trump, ukrainska forsetan, Volodymyr Zelenskyj, og evropeiskar stjórnarleiðarar um støðuna í Ukraina. 

Sambært ukrainska forsetanum er Russland hugað at hava fund.

Russland hevur tó ikki váttað, at ein fundur við USA og Ukraina er í umbúna, men russiski uttanríkisráðharrin, Sergej Lavrov, útilokar ikki at hitta ukrainska forsetan.

Men Zelenskyj er sinnaður at hitta Putin, sigur BBC.