Arbeiðs- og brunaeftirlitið álvarsliga átalu frá umboðsmanninum

Vanlukkutryggingarráðið og Arbeiðs- og brunaeftirlitið hava fingið álvarsliga átalu frá Løgtingsins umboðsmanni.

Hana fáa tey fyri, hvussu tey handfóru fýra arbeiðsskaðamál.

Átalan er so álvarslig, at fráboðan um hana er send formansskapinum í løgtinginum, løgmanni og landsstýriskvinnuna í umhvørvismálum. 

Tey trý arbeiðsskaðamálini vóru virkin í meira enn hálvttriðja ár, uttan at endalig avgerð ella fyribilsavgerð vóru tiknar. 

Tvær klagur vóru um vantandi svar.

Hvørki svar ella afturboðan

Klagararnir fingu í fleiri umførum ikki svar ella afturboðan til fyrispurningar sínar, stendur í niðurstøðuni hjá umboðsmanninum. 

Eisini síggjast drál í málsupplýsingini í sambandi við eitt hoyringarsvar og ófullfíggjað skjalføring. 

Arbeiðs- og brunaeftirlitið vísti á, at longda málsviðgerðartíðin og vantandi svar lutvíst skyldast, at stovnurin hevði stórar avbjóðingar, tí hann tók við umsitingini av arbeiðsskaðamálum frá Føroya rætti.