Uppskotið um russisku skipini kann hava við sær órógv í samgonguni

Russisk skip, sum eru undir illgruna fyri njósning og sabotasju, skulu ikki hava atgongd til okkara sjóøki og havnir, heldur Anna Falkenberg, fólkatingskvinna fyri Sambandsflokkin

- Landsstýriskvinnan í uttanríkismálum, Sirið Stenberg, ger tað einasta rætta, nú hon leggur eitt uppskot fyri løgtingið um at loyva landsstýrinum at útihýsa ávísum russiskum fiskiskipum, sigur hon.

Beinta Løwe, politiskur viðmerkjari, heldur, at uppskotið um russisku skipini kann kann fara at skapa órógv í samgonguni.

- At uppskotið liggur so leingi, áðrenn tað verður viðgjørt, kann hava við sær órógv í samgonguni, heldur Beinta Løwe, politiskur viðmerkjari.

Hon heldur, at støðan verður alt meira fløkt, nú vinnan eisini er farin at gera vart við seg, og tað, at málið hevur ligið so leingi, byrjar at minni um støðuna fyrr í summar, tá pensjónskipanin og Suðuroyartunnilin vóru til viðgerðar.

Hoyr samrøðu við Beintu Løwe, politiskan viðmerkjara, her: