Søkja nú eftir leiðara til Skálagarð

Almannaverkið søkir eftir leiðara til Skálagarð í Klaksvík.

Starvið er fulla tíð, og skal setast skjótast gjørligt.

Umsóknarfreistin er til 3. september.

Tordur Sigurdsson er fyribils settur leiðari í Skálagarði.

Skálagarður er bú-, umlættingar- og endurmenningardepil fyri fólk úr øllum Føroyum við seinheilaskaða.

Hann er fyri fólk í aldrinum 18 til 67 ár. 

Á stovninum er pláss fyri 15 fólkum, átta fastbúgvandi, fýra til umlætting og trý kunnu fáa fyribils bústað.