SCO- felagsskapurin bjóðar vesturheiminum av

- Vit mugu taka Shanghai-samstarvsfelagsskapin í álvara, tí hóast ymiskar stýrisskipanir í teimum ymsu londunum, hevur hesin felagsskapur ein felags fígginda, og tað er at bjóða vesturlendsku hugmyndafrøðini av. 

Tað sigur Tór Marni Weihe, Ph.D-lesandi á Fróðskaparsetrinum.

Hann var í Breddanum fyrrapartin.

Shanghai Samstarvsfelagsskapinum (stytt SCO), sum er ein felagsskapur um samstarv innan politikk, búskap og trygd, og er eitt alternativ til NATO-verjusamgonguna og G7-londini, hevur júst havt toppfund í Kina, har lond sum Kina, Russland og India vóru við.

SCO-felagsskapurin

Hesir tríggir leiðararnir úr Russlandi, India og Kina mynd eisini SCO-felagsskapin, sum hevur havt toppfund í Kina. (Mynd. Reuters/Ritzau Scanpix)

Alternativ til vesturlendskt fólkaræði

Á toppfundinum í Tianjin legði kinesiski forsetin, Xi Jinping, sín Global Governance Initiative fram sum eitt alternativ til vesturlendskt fólkaræði. 

Hóast nógvar mótsetningar í Shanghai-samstarvsfelagsskapinum - frá einum einaræði í Kina til eitt fólkaræði í India - so hava hesi londini eitt felags endamál: at vísa vesturheiminum, at heimsins valdspolitiska landslagið er broytt, og tí mugu vit taka hendan felagsskapin í álvara, sigur Tór Marni Weihe, Ph.D-lesandi á Fróðskaparsetrinum og kønur í russiskum viðurskiftum.

Hoyr innslag í útvarpstíðindunum: 

Allur Breddin kann hoyrast her.