Støre heldur fram sum forsætisráðharri í Noregi

Jonas Gahr Støre hevur vunnið stórtingsvalið,  og kann halda fram sum forsætisráðharri í Noregi. 

Arbeiðaraflokkurin hjá honum gjørdist størsti flokkur, og reyð-grøni vongurin fekk greiðan meiriluta við 87 tinglimum. 

Borgarligu flokkarnir fingu 82 tingsessir, nú 99 prosent av atkvøðunum eru tald. 85 tinglimir skulu til fyri at fáa meiriluta í stórtinginum. 

Jonas Gahr Støre takkaði í gjárkvøldið veljarunum:

Tó er meirilutin í reyð-grøna veinginum meira spjaddur nú, enn í seinastu tingsetu, tá bert tríggir politiskir flokkar myndaðu meirilutan. 

Nú skulu fimm flokkar til fyri at fáa meirilutan, og tað kann gerast avbjóðing at finna stevið í eini samgongu við nógvum flokkum. 

Men møguleiki er eisini at skipa minnilutastjórn.

Sylvi Listhaug

Sylvi Listhaug, forkvinna í Framburðsflokkinum, sum gjørdist næst størsti flokkur á valinum í gjár. (Mynd: NTB/Ritzau Scanpix)

Framburðsflokkurin tvífaldaðist

Stóri vinnarin á høgravonginum gjørdist Sylvi Listhaug og Framsóknarflokkurin, sum fór úr 21 tinglimum upp í 48, og gjørdist næst størsti flokkur. Hann fekk 23,9 prosent av atkvøðunum, og tað er besta val hugartil hjá Framburðsflokkinum.

Hinvegin gekk minni væl hjá Høgriflokkinum, sum fór úr 36 niður í 24 tinglimir. 

Erna Solberg

Erna Solberg, forkvinna í Høgraflokkinum, sum hevði stóra afturgongd. Gitt verður, at Erna Solberg fer at leggja frá sær sum forkvinna. (NTB/Ritzau Scanpix)

Fleiri politikkarar í Høgra hava longu sagt, at teir halda, at tíðin er komin hjá Ernu Solberg, forkvinnu, at leggja frá sær sum forkvinna í Høyre.

Men hvat vísir hetta valið? Jógvan Hugo Gardar er journalistur í Noregi:

Valluttøkan á stórtingsvalinum í gjár var 78,9 prosent.

Les meira um stórtingsvalið her.