Novo Nordisk sigur 5.000 starvsfólkum í Danmark úr starvi

Heilivágsfyritøkan Novo Nordisk fer nú undir risastórt uppsagnarumfar. 

Tað stendur í børsfráboðan frá felagnum. 

Tilsamans verða 9.000 starvsfólk, sum fyritøkan hevur ymsastaðni í heiminum, søgd úr starvi. 5.000 starvsfólk í Danmark verða uppsøgd.

Novo Nordisk væntar, at uppsagnirnir fara at spara fyritøkuni átta milliardir krónur við árslok 2026. 

Novo Nordisk hevur 78.400 starvsfólk um allan heimin, og meira enn 34.000 av teimum arbeiða í Danmark.