Shinawatra skal í fongsul í eitt ár

Teilendski hægstirættur sigur, at fyrrverandi forsætisráðharrin, Thaksin Shinawatra, skal í fongsul í eitt ár.

Dómurin var kunngjørdur í dag, og er enn eitt afturstig fyri fyrrverandi forsætiráðharran og mætu familju hansara, sum hava staðið á odda í teilendskum politikki í tvey áratíggju.

Eftir at hava verið í útlegd í 15 ár, sum hann sjálvur tók stig til, kom Thaksin aftur til Teilands í 2023. 

Fluttur á sjúkrahús

Hann var bert fáar tímar í fongslinum, so gramdi hann seg um pínu í hjartanum og bringuni, og var fluttur á sjúkrahús. 

Nú skal hægstirættur so taka støðu til, hvat skal henda við revsingini, sum hann slapp undan, tá ið hann var fluttur á sjúkrahús.

Kongurin í Teilandi linkaði revsingina, sum er átta ára fongsul fyri valdsmisnýtslu, niður í eitt ár. 

Og eftir bara seks mánaðir á eini marglætisdeild á sjúkrahúsi, var hann royndarleyslatin.