Netanyahu: Ísrael framt týðandi álop á Gasa bý

Ísrael hevur framt týðandi álop á Gasa bý.

Tað sigur forsætisráðharrin, Benjamin Netanyahu, eftir álop í fleiri dagar, skrivar Reuters-tíðindastovan.

Ísraelski herurin, IDF, váttar, at fleiri víðkaðar atgerðir hava verið í Gasa býi, og at ætlanirnar verða víðkaðar.

Samstundis upplýsir Avichay Adraee, talsfólk fyri ísraelska herin, at herurin er farin undir at oyðileggja undirstøðukervið hjá Hamas í Gasa býi.

Heitt verður á sivilfólk um at sleppa sær burtur.

Vandamikið krígsøki

- Gasa býur er vandamikið krígsøki, og vandi er fyri trygdini hjá fólki, sum eru har, skrivar Avichay Adraee á X.

AP-tíðindastovan skrvaði í morgun, at fleiri ógvuslig álop høvdu verið á býin í nátt.

Eitt álop rakti eini hús í vestara partinum og drap í minsta lagi fimm palestinar, teirra millum tvey børn.

Tað varð upplýst av Shifa-sjúkrahúsinum, sum tók ímóti teimum dripnu, sambært AP.

Eisini Al Jazeera skrivaði um ísraelsk álop á Gasa í nátt.