Býarsúkkling: Pauli og Súsanna aftur skjótast

Pauli Poulsen úr Troy legði føroyameistaraheitið í býarsúkkling afturat teimum í einkultstarti og súkkling á landsvegi, tá hann var skjótastur í kapping á Toftum um vikuskiftið. 

Hjá kvinnum vann Súsanna Skylv eisini hesaferð. 

Samanlagt kappaðust 14 á havnarlagnum á Toftum. 1200 metra langi teinurin skuldi súkklast í 45 minuttir, og síðan skuldu 3. umfør afturat súkklast afturat.

Fýra teir fremstu menninir fylgdust allan vegin, men Pauli Poulsen var skjótastur í spurtinum ímóti Bergtóri Tórsteinsson úr Norðstroki. Teir komu á mál við tíðini 52,09 minuttir. Teimum á baki komu Helgi Winther Olsen (Fjallasúkklufelagið) og Hilmar Hansen (Norðstrok) við 52,35.