Búskaparráðið: Størri kommunueindir og nýggjur fíggingarleistur

Búskaparráðið mælir til at skipa kommunurnar í størri eindir, so betri samsvar verður millum støddina á kommununi og uppgávurnar, ið kommunan skal røkja, tí fíggjarliga orkan er avmarkað.

Búskaparráðið leggur í løtuni fram evnisfrágreiðing um kommunubúskap og eldraøkið.

Mælt verður eisini til at endurskoða fíggingarleistin fyri eldraøkið.

Búskaparráðið sigur, at tað er neyðugt at gera, um sama tænastustig skal vera á eldraøkinum um alt landið.

Raðfesta íløgur

Mælt verður til, at kommurnar raðfesta íløgur, sum lækka útreiðslurnar til eldrarøkt fyri hvønn pensjónist, bæði fyri at fáa eindarkostnaðin niður, og fyri at tryggja, at avmarkaða útboðið av arbeiðsmegi verður gagnnýtt til fulnar.

Stórt trot er á útbúnum røktarstarvsfólkum, og sum nú er, tykist Heilsuskúli Føroya einans at nøkta tørvin í Suðuroy, og ikki í restina av landinum. Landsstýrisfólkið í útbúgvingarmálum hevur ábyrgdina av at tryggja, at tað eru nøktandi útbúgvingarmøguleikar. Landsins myndugleikar mugu taka ábyrgd, sigur Búskaparráðið.

Øll frágreiðingin kann lesast her.

Evnisfrágreiðingin frá Búskaparráðnum verður eisini viðgjørd í Breddanum í útvarpinum klokkan 10.

Myndir: Bjarni Árting Rubeksen

Búskaparráðið og eldraøkið

Búskaparráðið og eldraøkið

Búskaparráð og eldraøkið

Malan Johansen

Búskaparráð og eldraøkið