Kommunur fáa nú heimild at brúka vakmyndatól

Uppskot um vakmyndatól er nú sent til ummælis.

Løgmálaráðið skrivar, at endamálið við uppskotinum er at geva kommunum heimild at hava eftirlit á serliga útsettum øki, sum verður nýtt til vanliga ferðslu - í samráð við løgregluna og eftir tilmæli frá løgregluni.

Løgtingið hevur samtykt at heita á landsstýrið um at fyrireika og leggja fyri tingið lógaruppskot at loyva kommununum at seta upp vakmyndatól á serliga útsettum støðum í býarlívinum.

Eingin heimild í løtuni

Í galdandi løgtingslóg um yvirvøku við vakmyndatóli er ikki heimild hjá kommunum at yvirvaka øki við almennari ferðslu við tí endamáli at økja um trygdina og fremja tryggleika í kommununi. 

Møguligar viðmerkingar kunnu sendast Løgmálaráðnum í seinasta lagi mikudagin 5. november.

Les uppskotið her.