Sarkozy í fongsul

Um júst eina viku byrjar fyrrverandi franski forsetin Nicolas Sarkozy at sita dóm sín í La Santé-fongslinum í París.

Sarkozy var í síðsta mánaði dømdur fimm ára fongsul, skrivar the Guardian.

Fyrrverandi franski forsetin var funnin sekur í ákærunum um samansvørjing í einum stórum korruptiónsmáli, har hann millum annað var ákærdur fyri at hava tikið ímóti pengum frá Muammar Gaddafi-stjórnini í Libya í 2007 í sambandi við sítt egna valstríð.

Nicolas Sarkozy var forseti frá 2007 til 2012.