Breddin: Z-ættarliðið krevur rættvísi og bjartari framtíð

Tey eru ung, tey eru vaksin upp við sosialum miðlum, men nú er ovboðið hjá summum teirra.

Úr Nepal til Bangladesj, úr Peru til Madagaskar, síggja vit nú eina rørslu, har Z-ættarliðið - tey, sum eru fødd millum 1995 og 2010 - krevja broytingar. Tey krevja rættvísi, og tey vilja hava eina bjartari framtíð.

Men hvat fær hesi ungu til at fara út á gøturnar og seta lív og heilsu upp á spæl í stríðnum móti mutri og ójavna?

Hví nýtir Z-ættarliðið sosialar miðlar sum vápn í mótmælunum, og hví er eitt eyðkent sjórænaraflagg vorðið altjóða ímynd av frælsi og uppreistri?

Og hví er hendan rørslan vorðin eitt altjóða fyribrigdi?

Tað spyrja vit í sendingini í dag.

Breddin í útvarpinum klokkan 10.