Karsten Vogel: Gulløl var mangan partur av sosialu samveruni í Føroyum

Karsten Vogel vitjaði fyrstu ferð í Føroyum í 1971 við bólkinum Burning Red Ivanhoe, sum spældi konsert í Høllini á Hálsi.

Á ferðini var ymiskt, ið veruliga setti seg.

Eitt nú tað, at vegirnir vóru asfalteraðir, har Margreta Drotning hevði verið. Annars var talan fyri tað nógva um grúsvegir. 

Hann legði eisini til merkis, at sosiala samveran var ógvuliga góð í Føroyum. Tó ofta var ein gull ella ein snapsur partur av samveruni.

Viðhvørt var tað ein avbjóðing at fara edrúur í song, minnist Karsten Vogel, tí tað var altíð onkur, ið vildi bjóða eitthvørt.

Tá ferðin var av, var kortini eitt púra greit: Karsten Vogel ætlaði sær aftur til Føroya. Og so var.

Seinni kom Vogel í samband við eitt nú Kristian Blak, Ólav Øster og Jóhannus á Rógvu Joensen.



Burtur úr samstarvinum kom bólkurin Fagrir fulgar, sum læt frá sær nógv róstu útgávuna Veðurløg.

Kristian Blak dylur ikki fyri, at Karsten Vogel, sum var fyrsti solistur, Havnar Jazzfelag fekk til Føroya, hevur havt ógvuliga stóran týdning fyri føroyska tónleikapallin.



Hann lærdi føroyskar tónleikarar nakað um displin, at møta rættstundis og nærlagni í spælinum.

Í kvøld, fríggjakvøld, spæla Fagrir fuglar í Oy í Havn og í annaðkvøld í Tøting í Gøtu.



Hvat: Beinleiðis í Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð