Good Feeling ella Hangover við Tjarnir: Flo Rida kemur til Føroya

Leygarkvøldið 6. juni skipar H71 fyri einum risastórum konsertkvøldi, tá Stórhøllin við Tjarnir verður karmur um konsert við heimskendu popp- og hiphopstjørnuni Flo Rida.

Flo Rida er ein av teimum kendastu popp- og hiphopartistunum í heiminum og hevur selt yvir 80 milliónir plátur.

Flo Rida fekk sítt stóra gjøgnumbrot í 2007 við sanginum “Low”, ið gjørdist eitt satt hitt og lá á fyrstaplássi á amerikanska Billboard Hot 100 í heilar 10 vikur.

Nummar 103

Síðani tá hevur hann givið eitt hitt fyri og annað eftir út, ið fleiri hava hertikið dansigólv, hittlistar og festivalpallar kring allan heimin. 

Millum hesi stóru hittini eru "Low", "Right Round", "Good Feeling", "My House", "Let It Roll", "Wild Ones", "Whistle", og "Club Can’t Handle Me".

Flo Rida luttekur eisini í hittum hjá øðrum, eitt nú "Hangover" hjá Taio Cruz. So verður spennandi, um konsertin við Flo Rida verður ein "Good Feeling" ella ein "Hangover" fyri fyriskipararnar. 

Luttikið í Eurovision

Fólk, ið fylgja við í Eurovision Song Contest, vita, at í 2021 trein Flo Rida brádliga inn á Eurovision Song Contest-pallin, har hann framførdi sangin "Adrenalina" saman við Senhit úr San Marino. 

Hetta var árið, tá Eurovision Song Contest var í Rotterdam í Hollandi. 

Senhit og Flo Rida sungu San Marino í finaluna, har tey endaðu á einum 22. plássi.