Uni Debess misti røddina og mátti gevast

Uni Debess hevur spælt óteljandi konsertir í síni drúgvu tónleikaleið. Farna leygarkvøld hendi tó nakað, ið hann ikki hevur roynt fyrr.

Uni var á palli á Blábarr í sambandi við Várfólk. Hann legði skjótt til merkis, at røddin var ikki, sum hon átti at vera.

Tá hann kom til fjórða sangin var tó heilt galið.

Uni misti púra tamarhaldið á røddini og fyri fyrstu ferð mátti hann gevast í hálvgum gekki.

- Har var einki at gera.

Uni Debess

Uni fór til læknan og fekk heilivág.

Nú er alt, sum bendir á, at røddin er komin fyri seg aftur, tí í Studio 5 spældi hann, saman við Edvardi Nyholm Debess, heilar fimm sangir.

Talan er bæði um egið tilfar og kendan blues-tónleik.

Edvard Nyholm Debess, Beinleiðis úr Studio 5

Har verður ein drúgv skrá við bæði føroyskum og útlendskum blues-tónleikarum.

Eisini kunngjørdi Uni Debess, at serligir gestir fara á pall hetta kvøldið.

Fríði Bjørgvin fer at spæla gittar og syngja og Sophilia, ið bleiv landskend í sjónvarpsrøðini Hoydalar, verður eisini við.

Blues Perlan verður í Reinsarínum í Havn leygarkvøldið 28. mars.

Beinleiðis úr Studio 5

Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
Hesa ferð: Blues Perlan