"Um tú dugir at ganga, dugir tú at dansa samba"

Samba er ein brasilienskur dansur, sum hevur sín uppruna í kolonitíðini í Brasil. Dansurin kom við afrikansku trælunum úr Afrika og varð blandaður við ymiskar brasilienskar upprunadansir, og bleiv til dansin sum vit kenna í dag. Soleiðis greiðir Fernando Troleis frá.

Bipasha Das undirvísti eftir samrøðuna í indiska dansinum kahtak. Hon greiddi soleiðis frá: "Tað eru tvey sløg av dansi - klassiskur og fólka dansur 
Klassiski dansurin hevur uppruna í fornari tíð, og byrjaði sum ein máti at siga søgur um gudar og gudinnur í templunum. Dansurin er vaksin og mentur við tí at fólk í landspørtum byrjaðu at siga søgurnar á sín hátt. Í dag fara vit at dansa Kahtak, ein róligur og meditativur dansur, har man sigur søgur gjøgnum fótarbeiði."

Fjølmentanarvika Dansiverkstova í NLH

Frítekst tagging: 

Fjølmentanarvika

Bipasha lærir luttakararnir fótarbeiðið til dansin 

Tá eg spurdi tey um vit føroyingar, sum hava føroyska dansin sum okkara siðvenju, kunnu dansa teirra dansir við lívligum rútmum og rørslum, vóru tey samd um, at tað ber væl til.
Um man dugir at ganga, dugir man at dansa samba og um man dugir at dansa føroyskan dans, dugir man eisini dansirnar, sum tey lærdu frá sær í dag, hildu tey trý Bipasha Das, Cathlyn Soares og Fernando Troleis.

Myndir: Ólavur Frederiksen/Faroephoto

Hoyr samrøðuna við tey trý, sum var í tíðindunum kl 14: