Norðurlandaráðið: Grønland vil eisini sleppa upp í ráðharraráðið

Grønlendskir politikarar fegnast um, at Grønland, Føroyar og Áland nú sleppa upp í formansskapin hjá Norðurlandaráðnum.

Men Grønland vil eisini sleppa upp í Ráðharraráðið.

Til tess krevst tó, at Helsinsgforsavtalan, sum er grundlógin hjá norðurlendska samstarvinum, verður broytt.

Og ein arbeiðsbólkur er í ferð við at kanna, hvussu tað kann gerast.

Landstingskvinnan Mariane Paviasen, sum umboðar Grønland í Norðurlandaráðnum, sigur við Sermitsiaq, at verður ov leingi at bíða eftir einari niðurstøðu, er spurningurin, um Grønland skal brúka orku til norðurlendska samstarvið.

Higartil hevur arbeiðsbólkurin arbeitt í tíggju mánaðir.

Grønlendska landsstýrið var ikki á ársfundinum, sum júst hevur verið í Stokkhólmi.

Tí landsstýrið boykottar ráðharraráðið.

Men bæði umboðini hjá landstinginum vóru á ársfundinum.