Ikki møguleiki at hava rúsevniseftirlit við øllum skipum og bátum

Leitað verður ikki eftir rúsevnum í øllum skipum og bátum, sum koma til Føroya.

Í 2023 komu 1878 skip og bátar, 1828 komu í fjør, og higartil í ár eru komin 1727.

Av tí at so nógv koma, hevur TAKS ikki møguleika fyri at gera neyvt rúsevniseftirlit umborð á øllum. 

Tað sigur Ruth Vang, landsstýriskvinna, í svari til Anniku Olsen, løgtingskvinnu.  

Tørvur á 24 tollarum

Váðametingar avgera, hvørjir bátar og hvørji skip vera kannað.

Skulu allir bátar og øll skip kannast, er brúk fyri í minsta lagi 24 tollarum og seks hundum aftrat teimum 14 tollarunum og tveimum hundunum, sum eru í dag, sigur landsstýriskvinnan.  

Brúk verður eisini fyri húsi og nøkrum bilum.

Ein tollari kostar eina millión um árið. Og tað kostar hálva millión at venja hundar.

Les svarið her.