Torførari hjá útlendingum at keypa fastogn í Grønlandi

Grønlendska landstingið hevur samtykt, at tað skal gerast torførari hjá útlendingum at keypa fastogn og brúka jørð í Grønlandi.

21 atkvøður vóru fyri.

Flokkurin Naleraq atkvøddi ikki.

Uppskotið kom, tí "ávísur áhugi" er fyri at keypa fastognir í Grønlandi.

Sambært blaðnum Politiken hava húsameklarar í Grønlandi merkt stóran áhuga í USA fyri at keypa fastogn í Grønlandi.

Hetta hendi eftir, at Donald Trump segði, at hann vildi hava Grønland.

Borgarar í ríkisfelagsskapinum

Longu í januar kom í fíggjarlógina fyri 2025, at torførari skuldi gerast hjá útlendingum at keypa fastogn í Grønlandi.

Nýggja lógin, sum kemur í gildi 1. januar, sigur, at bara grønlendingar, danir og føroyingar sleppa at keypa fastogn og brúka jørð í Grønlandi.

Onnur skulu hava búð og verið skattskyldug í Grønlandi í minst tvey ár.

Spurningurin var upp og vendi, um kravið skuldi vera fimm ár.

Men semja fekst ikki um tað í landstinginum.