Katrín Jakobsdóttir stúrir fyri, at íslendska málið er við at doyggja út

Fyrrverandi íslendski forsætisráðharrin, Katrín Jakobsdóttir, stúrir fyri, at íslendska málið er við at doyggja út.

Ávirkanin úr enskum og útbreiðslan av vitlíki gera, at íslendska málið er í vanda.

Tað segði hon sambært blaðnum the Guardian, tá hon tosaði á einari krimiráðstevnuni í Reykjavík í sambandi við at hon hevur givið út nýggja bók.

Okkurt um 360.000 fólk búgva í Íslandi og sambært Katrin Jakobsdóttir, er málið í stórari broyting, har alsamt fleiri tosa enskt.

- Tá vit eru so fá, sum tosa málið, haldi eg, at vit hava eina stóra ábyrgd at varðveita tað. Eg haldi ikki, at vit gera nóg mikið, sigur hon.