- Tíðindi, mentan og ítróttur
183 útlendskir frítíðar- og stuttleikabátar skrásettir í føroyskum havnum
183 útlendskir frítíðar- og stuttleikabátar skrásettir í føroyskum havnum
Arbeiðshátturin hjá TAKS er at kanna hesar bátar grundað á váðametingar
Ruth Vang, landsstýriskvinna í fíggjarmálum, hevur svarað fyrispurningi um frítíðarbátar og rúsevni.
Mynd: Bárður Lydersen
17.11.2025 - 10:14
Higartil í ár hevur TAKS skrásett 183 útlendskar frítíðarbátar og stuttleikabátar í føroyskum havnum.
15 teirra hava verið í Føroyum oftari enn einaferð í ár, men eingin oftari enn tvær ferðir.
Teir hava sum oftast verið í Íslandi og vent.
Arbeiðshátturin hjá TAKS er at kanna hesar bátar grundað á váðametingar.
Tað upplýsir Ruth Vang, landsstýriskvinna, í svari til Elsebeth Mercedis Gunnleygsdóttur, sum spurdi um frítíðarbátar og rúsevni.
TAKS upplýsir ikki, hvørjar arbeiðsgongdirnar eru, ella hvussu nógvir bátar vera kannaðir.
Elsebeth Mercedis Gunnleygsdóttur. (Mynd: Bjarni Árting Rubeksen)
12 tollarar í Havn
TAKS hevur 12 tollarar í Havn, men ongan fast staðsettan tollara í Klaksvík og í Suðuroynni.
TAKS hevur tveir narkohundar. Í løtuni heldur TAKS, at nóg mikið er við tveimum hundum.
Tollararnir, sum hava narkohundarnar, eru í Havn.
Men narkohundarnir gera eisini eftirlit aðrastaðni í landinum.
Hvar, upplýsir TAKS ikki, sigur landsstýriskvinnan.
Er kopiera
Nýggjastu sendingar í ÚV
Nýggjastu sendingar í SV
