Pumpa mest úr Eysturoyartunlinum

Eysturoyartunnilin er vátasti undirsjóvartunnilin.

Í øllum førum vera pumpaðir 1900 rúmmetrar av vatni úr tunlinum um samdøgrið.

Úr Sandoyartunlinum vera pumpaðir 1800 rúmmetrar.

Norðoyatunnilin hevur 1400 rúmmetrar, og Vágatunnilin er tann turrasti.

Úr honum vera pumpaðir 600 rúmmetrar av vatni um samdøgrið.

Tað gevur 5.700 rúmmetrar av vatni um samdøgrið.

Ein rúmmetur er 1000 litrar.

Løgmaður svarað spurningi um trygd

Aksel V. Johannesen, løgmaður, hevur svarað spurningi frá Bárði á Lakjuni, løgtingsmanni, um trygd í undirsjóvartunlunum.

Vatnbrunnurin í Vágatunlinum tekur 3.500 rúmmetrar, brunnarnir í Norðoyatunlinum taka 4.080 rúmmetrar, og teir fimm brunnarnir í ávikavist Eysturoyartunlinum og Sandoyartunlinum taka 20.000 rúmmetrar.

Eingin tunnil hevur neyðaggregat, men allir hava neyðstreym. 

Neyðstreymsskipanin gevur ikki høvuðsstreym til pumpur og ventilatión.

Men hon gevur streym til stýringar, so pumpur og viftur fara í gongd, tá streymurin kemur aftur.  

Neyðstreymurin varar í tveir til átta tímar. Tað veldst um tunnil.

Les svarið her.