Politiið tekur djóraverndarfólk í størri álvara enn grindafólk

Grindamannafelagið finst hvassliga at løgregluni fyri at taka djóraverndaraktivistar í størri álvara enn fólk, sum fáast við grindadráp.

- Hetta málið fer alt ov vítt, sigur formaðurin í felagnum, Ragnar Jacobsen, sum tekur undir við fyrrverandi sýslumanninum, Jens Jensen, sum í tveimum førum er skuldsettur fyri at bróta lógina um djóravælferð.

Talan er um tvey grindadráp í Hvannasundi í fjør. Djóraverndarfelagsskapurin Sea Shepherd hevur í øllum førum meldað annað málið.

Ragnar Jacobsen sigur, at trupulleikin er, at tvær lógir eru í stríð við hvørja aðra,  og tí er málið farið ov vítt.

Grindamannafelagið sigur seg vita um onnur dømi ítøkilig dømi, har grindaformenn verða lagdir undir at bróta djóravælferðarlógina, og har atburðurin hjá ávísum løgreglufólki hevur verið ivasamur.

Hoyr innslag í útvarpstíðindunum: 

Kringvarpið hevur tosað við Michael Boolsen, fúta.

Hann er upptikin á fundi í Danmark, men er tøkur at gera samrøðu seinni í dag.