Matur og matgerð: Riv við hvítleyki, reyðvíni og Herbes de Provence

Hetta er árstíðin, tá tað er kalt og myrkt í veðrinum, men rivini eru vorðin røst.

Tá er upplagt at søta sær eitt sindur um tilveruna við at koyra riv í ovnini.

So er spurningurin: Hvør er besti mátin at matgera røstu rivini?

Besta uppskriftin?

Í 1990 var ein tann best umtókta sendingini í sjónvarpinum "Matur og matgerð".

Fyrrverandi sjónvarpsstjórin, Jógvan Asbjørn Skaale, sáli, var vertur.

16. oktober hetta árið blivu røst riv matgjørd, og Bjørg Nolsøe Lassen úr Klaksvík, sum er ættað úr Vági, vísti sína uppskrift fram.

Tann dagin í dag, so eru tað tey, ið halda, at hetta er besta uppskrift at matgera røst riv.

Matur og matgerð, Riv

Riv við Herbe de Provence

Tá í tíðini var tað ikki vanligt at brúka annað enn salt og pipar í føroyskari matgerð, og tað mesta bleiv kókað.

Men Bjørg brúkti bæði mikroovn og vanligan ovn, tá hon matgjørdi røstu rivini, ið blivu koyrd í ein steikiposa, sum eisini toldi at fara í mikroovn, saman við eplunum og rótunum.

Og so kryddaði hon við hvítleykspulvurin og nøkrum so fínum sum "Herbes de Provence", áðrenn ein løgur av vatni, reyðvíni og einum Maggi-terningi fór í posan. 

Ein onnur finta, ið Bjørg brúkti, var, at hon eisini koyrdi válgaran í saman við rivunum. 

"Mikroovon kenni eg einki til," staðfesti Jógvan Asbjørn Skaale. "Men rivini eru sera brøskin. Er tað mikroovnurin, ið ger tað?"

"Nei, mikroovnurin nærmast kókar rivini, eplini og røturnar, og ger smakkin fyldigan. Men hann steikir ikki rivini. Tað er ger vanligi ovnurin."

Sí "Matur og matgerð" á KVF Sjón

Her niðanfyri sæst Bjørg Nolsøe Lassen matgera røst riv, men hesin parturin av "Matur og matgerð" liggur KVF Sjón.

Allir partarnir í røðini "Matur og matgerð" síggjast á KVF Sjón. 

Uppskriftin

1 røst síða
Eplir
Røtur
Leyk

Kryddaríiir:

Hvítleykspulvur
Herbes de Provence
Kød og grill

Løgur:

3 dl av vatni
1 dl av reyðvíni
1 terning av Maggi

Fyrst 15 minuttir í mikroovni, og so 15 minuttir í ovni á 200 stigum.

Um fólk ikki hava mikroovn, so mælti Bjørg tilf at steikiposin við røstu rivini stóð ein tíma í vanliga ovninum á 200 stigum.

Riv, uppskrift, Matur og matgerð