131 uppskot frá borgarum um heilsupolitikk

131 uppskot komu frá fólki, og 789 fólk vóru við í spurnarkanning.

Haraftrat vóru fundir, har heilsustarvsfólk, sjúklingafeløg, stovnar og yrkisfeløg vóru hoyrd.

Ráðgevarabólkar og fakligir fylgibólkar hava verið, og heilsufaklig greining um heilsustøðuna í Føroyum er gjørd.

Landsstýrið hevur nú fingið álitið um heilsupolitikkin árini 2026 til 2035.

Álitið var latið Súsonnu Bertholdsen, landssstýriskvinnu, í gjár.

Fólk í politisku skipanini, heilsuverkinum, kommununum, barna- og útbúgvingargeiranum, ítrótti, frítíð og á eldraøkinum og almannaøkinum og fólk yvirhøvur komu við sínum sjónarmiðum, royndum og uppskotum.

Fyribyrging og heilsuframi

Í uppskotinum um heilsupolitikk er dentur lagdur á fyribyrging og heilsuframa.

Tað er ein týðandi broyting, at heilsuframi og fyribyrging skulu inn í allar geirar í samfelagnum, sigur landsstýrið.

Arbeiðið at orða heilsupolitikkin byrjaði í november í fjør.

Álitið er eisini almannakunngjørt.

Tað er 88 síður og kann lesast her.