Helmingurin av Airbus 320 flogførunum vórðu sett í gjár

Helmingurin av øllum flogførunum hjá Airbus 320 vórðu sett í gjár.

Ein dagføringin skuldi gerst beinanvegin, og tí vóru nógv Airbus-flogfør um allan heimin, sum ikki flugu. 

Í gjár boðaði Airbus frá, at umleið 6000 av teirra flogførum í A320-familjuni skuldu dagførast beinanvegin. Tað svarar til umleið helmingin av øllum Airbus-320 flogførum.

Ongantíð áður í 55 ára gomlu søguni hjá Airbus eru so nógv flogfør hjá Airbus sett í einum.

Talan var um eina dagføring í ritbúnaðinum, ið skuldi gerast. Reuters skrivar, at í flestu førum skuldu vendast aftur til eina eldri skipan í ritbúnaðinum. Hetta mátti gerast, áðrenn flogførini sluppu at flúgva aftur.

Øll flogførini hjá Atlantic Airways eru Airbus 320, men einki av teimum var rakt av dagføringunum, ið skuldu gerst, sigur Jóhanna á Bergi, stjóri í Atlantic Airways.

At 6000 flogfør vórðu sett í gjár, ávirkaði flogferðsluna um allan heim, og nógvastaðni komu seinkingar í flogferðsluna.

Nakrir føroyingar hava eisini upplivað seinkingar.