Zelenskyj sinnaður at hava val í Ukraina

Ukrainski forsetin, Volodomyr Zelenskyj, sigur seg nú vera sinnaðan at skipa fyri vali í næstum, skrivar tíðindastovan Reuters.

Val í krígstíð er annars bannað við lóg í Ukraina. 

Men Zelenskyj, sum hevur sitið við valdið í fimm ár, sigur, at hann fer nú at biðja ukrainska tingið um at fyrireika lógaruppskot, sum loyvir vali í krígstíð.

- Eg eri til reiðar til val, og eg biði um, at USA hjálpir mær - kanska saman við evropeisku starvsfeløgunum - at veita trygd fyri valinum, so tað kann haldast innan fyri næstu 60 til 90 dagarnar, sigur Zelenskyj, sambært tíðindastovuni Reuters.

Trump vil hava val

Boðini frá ukrainska forsetanum koma í kjalarvørrinum á viðmerkingunum hjá amerikanska forsetanum, Donald Trump, sum í samrøðu við politiska miðilin, Politico, í gjár segði, at ukrainska stjórnin skal gevast við at brúka kríggið sum umbering fyri at sleppa undan vali.

Trump hevur í fleiri umførum sagt, at hann heldur, at val skal haldast í Ukraina. 

Veljarakanningar vísa, at ukrainar eru ímóti vali í krígstíð, men vilja samstundis síggja nýggj politisk andlit. 

Seinasta valið í Ukraina var í 2019.