MEGD um nýskipanir: Brekøkið má takast við upp á ráð

Forkvinnan í MEGD heitir á politisku skipanina, um at taka brekøkið við upp á ráð, áðrenn nýskipanir verða gjørdar.

Í nýggjársrøðuni vísti Aksel V. Johannesen, løgmaður, millum annað á, at fleiri nýskipanir eru neyðugar.

- Ger tína skyldu og krev síðani tín rætt, segði løgmaður.

Ása Olsen, forkvinna í MEGD, vísir á, at sparingar eru gjørdar á brekøkinum, har politiska skipanin ikki hevur livað upp til sínar skyldur sambært brekrættindasáttmálanum, m.a. við at flyta frítíðarheimið til Sands og á Skálagarð í Klaksvík. Flytingin er partur av størri tillagingum í Almannaverkinum, har 8,8 milliónir krónur skulu sparast.

Hoyr innslag í útvarpstíðindunum: 

Les meira her.