Journalistur: Álopið á Venesuela kemur óvart á, men tað átti tað ikki

Regin Winther Poulsen er journalistur og hevur búð í USA og býr nú í Brasil, sum er grannaland hjá Venesuela.

Hann heldur støðuna í Venesuela vera óvissa, tí eingin veit veruliga, hvat gongur fyri seg.

At USA velur at leypa á Venesuela og taka forsetan í landinum, Nicolás Maduro, kemur óvart á Regin Winther Poulsen.

- Hetta er ein søguliga støða, sigur hann.

Hoyr beinleiðis samrøðu í útvarpstíðindunum

USA lopið á Venesuela í nátt

USA hevur lopið á fleiri mál í Venesuela í nátt.

Tað skrivar amerikanski forsetin, Donald Trump, á sosiala miðli sínum Truth Social.

Í uppslagnum á Truth Social skrivar amerikanski forsetin eisini, at USA hevur tikið forsetan í Venesuela, Nicolás Maduro og konu hansara, sum eru flogin úr landinum.

Republikanski senatorurin Mike Lee sigur sambært Reuters, at Nicolás Maduro skal fyri rættin í USA.

Tað hevur amerikanski uttanríkisráðharrin, Marco Rubio, sagt honum, sigur hann.

Varaforsetin í Venesuela, Delcy Rodríguez, sigur við eina sjónvarpsrás í Venesuela, at hann ikki hevur minstu hóming av, hvar Nicolas Maduro er, og at hann í stundini vil síggja lívstekin frá honum.

Donald Trump skrivar í uppslagi sínum á Truth Social, at tíðindafundur verður í Mar-a-Lago klokkan 11 amerikanska tíð, sum er klokkan 16 føroyska tíð.