Frakland biðið um Nato-venjing í Grønlandi

Frakland hevur biðið um Nato-venjing í Grønlandi, og sigur, at Frakland er til reiðar.

Tað sigur umsitingin hjá franska forsetanum, Emmanuel Macron, í morgun.

Frakland er eitt av fleiri londum, sum hevur sent herfólk til Grønlands, sum aftursvar til hóttanir frá amerikanska forsetanum, Donald Trump.

Danska herdeildin hevur í løtuni Arctic Endurance hernaðarvenjingina í Arktis og Norðuratlantshavi. Fleiri Nato-lond stuðla venjingini, men Nato er ikki vertur fyri henni.

Grønland verður væntandi eitt av høvuðsmálunum á ráðstevnuni í Davos í Sveis, hagar amerikanski forsetin væntandi kemur seinni í dag.