- Tíðindi, mentan og ítróttur
Vørn: Hava neyðugt eftirlit við russiskum skipum á svartalista
Vørn: Hava neyðugt eftirlit við russiskum skipum á svartalista
Sambært Fiskiveiðieftirlitinum vóru tilsamans 26 russisk fiskiskip til fiskiskap í føroyskum sjógvi í fjør, og nú eru fyrstu russisku skipini á veg í ár
Brimil er annað av vaktarskipunum hjá Vørn.
Mynd: Bjarni Árting Rubeksen
23.01.2026 - 17:20
- Vit hava neyðugt eftirlit við, at russisku fiskiskipini, sum landsstýrið hevur sett á svartalista, ikki koma í føroyskan sjógv at fiska.
Tað sigur Jóhan Simonsen, deildarstjóri hjá Vørn.
Russisk skip kunnu í ár fiska 65.000 tons av svartkjafti, 4.200 tons av makreli og 7.700 tons norðhavssild í føroyskum sjógvi. Afturfyri kunnu føroysk skip fiska botnfisk í Barentshavinum.
Jóhan Simonsen.
Men tvey av reiðaríunum, sum vanliga fiska nógv í føroyskum sjógvi - Norebo og Murman Seafood - eru nú á svartalista. Tey eru fevnd av nýggjastu lóggávuni um avmarknadi tiltøk móti Russlandi.
Sambært Fiskiveiðieftirlitinum vóru tilsamans 26 russisk fiskiskip til fiskiskap í føroyskum sjógvi í fjør.
Nú komið er væl inn í januar, eru fyrstu, russisku skipini á veg.
Hoyr innslag í útvarpstíðindunum:
Er kopiera
Nýggjastu sendingar í ÚV
Nýggjastu sendingar í SV
