Meira enn triðja hvør kommuna fer at krevja tænastugjald fyri tóm býli

Meira enn triðja hvør kommuna hevur nú lagt tænastugjald á tóm hús í kommununi.

Kvívíkar bygdaráð samtykti í gjár at áleggja gjald, og Fámjins bygdaráð tók avgerð longu í desembur.

Í Kvívíkar kommunu er umleið 60 tóm býli og í Fámjins kommunu umleið 20. 

Hægsta gjaldið, ið kommunur kunnu krevja frá hvørjum tómum býli, er í ár ásett at vera 7.945 krónur.

Eftir lógini ger kommunan sjálv av, um hon krevur gjaldið inn mánaðarliga, hvønn ársfjórðing ella eina ferð um árið.

Hoyr innslag í útvarpstíðindunum:

Umframt Kvívíkar og Fámjins kommunu,  hava Tórshavnar kommuna, Tvøroyrar kommuna, Sunda kommuna, Nes kommuna, Vága kommuna, Skopunar kommuna, Hvalbiar kommuna og Eiðis kommuna lagt tænastugjald á tóm býli.