Viðmerkjari: Kann enda við uppgerð um formanssessin í Javnaðarflokkinum

Avgerðin hjá Akseli V. Johannesen, løgmanni, at skriva út nýval kann enda við eini uppgerð um formanssessin í Javnaðarflokkinum.

Tað metir Jóhan Lützen, blaðstjóri á Norðlýsinum og politiskur viðmerkjari.

Javnaðarflokkurin hevur staðið seg illa í nógvum av seinastu veljarakanningunum, og endar flokkurin í andstøðu við vánaligum valúrsliti og lítlum tingfólka-tali, so kann formanssessurin hjá Aksel V. Johannesen vera í vanda:

Beint eftir, at løgtingið seinnapartin í gjár við 3.viðgerð hevði atkvøtt um málið um Suðuroyartunnilin, og samtykt tað við stórum meiriluta, bað løgmaður um orðið, og boðaði frá, at hann hevði gjørt av at skriva út nýval:

- Álitið millum samgongufólk hevur grundleggjandi ikki verið til staðar, segði løgmaður millum annað í síni fráboðan til løgtingið.

Valið verður hósdagin 26. mars.