Frítekst tagging:
- Tíðindi, mentan og ítróttur
Fólkaflokkurin: Valdið til fólkið
Fólkaflokkurin: Valdið til fólkið
Fólkaflokkurin legði valskránna til løgtingsvalið fram í dag
Beinir Johannesen, floksformaður, legði valskránna hjá Fólkaflokkinum fram seinnapartin.
Mynd: Bjarni Árting Rubeksen
10.03.2026 - 18:02
"Valdið til fólkið," er slagorðið hjá Fólkaflokkinum í valskránni til løgtingsvalið 26. mars.
Tíðindafundurin hjá Fólkaflokkinum var hildin í gomlu redaktiónshølunum hjá Sosialinum í Vágsbotni. Lagnunnar speisemi lá í luftini inni í hugnaligu hølunum, har øll tekin um fjórða statsvaldið vóru skift út við eyðkenda grøna litin hjá tí størsta borgarliga flokkinum.
Fólkaflokkurin leggur valskránna hjá sær eftir føroysku familjuni við ítøkiligum valagni, so sum størri útgjald úr barsilsgrunninum og skattafrían barnakekk upp á 20.000 krónur, tá eitt barn kemur í verðina.
Umfram slagorðið "Valdið til fólkið," so hevur Fólkaflokkurin eisini eitt slagorð, sum eitur "Pengarnar niður á gólvið." Og pengarnir skulu takast úr toppinum í almennu skipanini.
Og har tað ber til, skulu almennar uppgávur bjóðast út til privatar fyritøkur at taka sær av.
Fólkaflokkurin vil eisini, at privatar fyritøkur sleppa framat at framleiða streym til egna nýtslu.
Valskráin hjá Fólkaflokkinum tosar til ungu familjurnar, vinnulívið og tíðarandan. Hon hevur okkurt til flestu føroysku veljararnar - í flestu flokkum. Men Beinir Johannesen, floksformaður, vil ikki vera við, at flokkurin fiskar í miðjuni á føroyska veljarahavinum.
Hoyr innslag í útvarpstíðindunum og samrøðu við Beinir Johannesen, floksformann:
10032026_Folkaflkkurin
Myndir: Bjarni Árting Rubeksen
Er kopiera
Nýggjastu sendingar í ÚV
Nýggjastu sendingar í SV
