Jana og Viborg ímillum fýra tey bestu í European League

Viborg tapti seinnu fjórðingsfinaluna fyri Rapid Bucuresti á útivølli, men 32-26 ósigurin var nóg mikið til at geva Janu Mittún og teimum samlaðan sigur upp á 61-58 og pláss millum fýra tey bestu.

Føroyski bakspælarinskeyt sjálv fýra mál upp á fýra kjansir og legði upp til eitt mál hjá dønum.

Í samandráttinum omanfyri síggjast flott mál og góðar fríspælingar hjá føroyska úrmælinginum, sum í næstum skal spæla avgerandi landsdystir.

Hennara effektivitetur var neyðugur, tí nógvir av hinum spælarunum misnýttu illa. Viborg misti kortini ongantíð tamanhaldið í rumenska høvuðsstaðnum, og Rapid var ongantíð frammanfyri við meir enn teimum seks, sum tær vunnu dystin við.