Svenska stjórnin játtar fleiri hundrað mia. kr. til nýggja kjarnorku

Svenska stjórnin játtar fleiri hundrað milliardir krónur til nýggja kjarnorku og goymslu til geislavirkið burturkast.

Tilsamans slakar 25 milliardir danskar krónur er setta av til at byggja nýggja kjarnorku, meðan 126 milliardir krónur til nýggja goymlu til geislavirkna burturkastið, skrivar svenska kringvarpið.

Goymslan av brúktum geislavirknum brennievni er størsta útreiðslan í sambandi við útbygging av kjarnorku til orku. 

Slíkt burturkast skal bjálvast og goymast 500 metrar niðri í undirgrundini í 100.000 ár.

Svenska orkufelagið Vattenfall sigur, at burturkastið kann gera útbyggingina av kjarnorku órímiliga dýra, serliga um fáir reaktorar verða bygdir, sum skulu býta útreiðslurnar av eini heilt nýggjari burturkastgoymslu millum sín.

Landið tekur váðan

Svenska stjórnin kemur við nýggjari skipann, har landið tekur váðan, um ein aktørur verður einsamallur eftir við stóru útreiðslunum.

- Hetta er besti mátin at tryggja, at nýggj kjarnorka verður útbygd í Svøríki, sigur Niklas Wykman, ráðharri, sum hevur ábyrgdina av at fíggja nýggja kjarnorku.

Tær 36 milliardirnar fara til beinleiðis íløgu í dótturfelagið hjá Vattenfall, Videberg Kraft, sum fyrst um trý til fýra ár fer at umhugsa, um nýggir reaktorar skulu byggjast á Ringhals.

Men andstøðan finst at uppskotinum hjá svensku stjórnini.

Andstøðan heldur, at feløgini sjálv eiga at rinda bæði kostnaðin og váðan, eins og skipanin er í dag.